BERGA av BergArt
I ei verd prega av masseproduksjon, tek vi vare på det som allereie fins. BERGA er vår eigen kolleksjon med ting som er brukte.
Kolleksjonen består av både gull- og sølvsmykke som har fått ei kjærleg oppussing på verkstaden, og som fortjener å skine i mange år til!
I gullsmedbransjen er vi heldigvis veldig flinke på gjenbruk og ingenting vert kasta. Likevel kjem det inn mange skattar til oss, som vi syns er for bra til å sende til å omsmelting. Dette kan vere ting:
- Som er i veldig god stand
- Som ein ikkje får tak i lenger
- Som har noko heilt unikt ved seg
Alle smykkene vert nøye reinsa, sjekka og polerte på verkstaden.
*Merk at dei aller fleste av desse smykkene har bruksmerker i varierande grad. Smykkene selgast som dei er, og ikkje som om var er nye produkt. Dersom du oppdagar feil eller manglar (utover normal slitasje) må du gje beskjed til oss, så finn vi ei løysing på det! <3
Det er viktig for oss at smykkene faktisk blir brukte. Nettopp derfor tilbyr vi ei gratis oppussing av smykkene, når du vil! Dette gjeld ved framsyning av kortet som du får med når du kjøper smykket, eller kvittering.
Smykkene har generelt mykje lågare pris enn det noko tilsvarande ville hatt som nytt. Vi håpar at dette vil føre til at enda fleire får moglegheit til å kjøpe noko fint og meiningsfullt til seg sjølv, eller nokon ein er glad i.
Eigne tilpassingar som justering, gravering (inni ringar) og omarbeiding er fullt mogleg, men ikkje inkludert i prisen. Smykkene har levd eit liv før det kom til oss, men no er det din tur til å føre historia vidare!
Ved å velje BERGA er du med på å ta vare på både handverk og historie på ein berekraftig måte!
Tips:
Har du noko liggjande som ikkje blir brukt? Då kan du ta det med til oss, så ser vi på det ilag!
Vi kan hjelpe deg med reparasjonar, omarbeiding og oppussing av dei fleste typar smykke.
I tillegg kjøper vi alt av gull og sølv. Ved sal til oss, kan du velje om du vil bruke det til å handle i butikken eller få pengar på konto. Uansett vil det kunne gje deg nye, fine minner i staden for å ha ting liggjande som ikkje er i bruk.
Meir info finn du under «Vi kjøper gull og sølv»!
