Om BergArt

BergArt Gullsmedverkstad AS vart etablert i 1997 av Kathrine Berg etter enda gullsmedutdanning på Bergen Yrkeskule. Vi held til midt i Eidsgata i Nordfjordeid, Sogn og Fjordane og har drive verkstad med utsal her i snart 17 år. Sidan hausten 2011 har Ingrid Oselie Naustdal vore tilsett i butikken og tek seg av den daglege drifta, slik at gullsmeden får konsentrere seg meir om produksjon. Vi er som eit gamalt ektepar - på ein god måte! Kjempekjekt for oss! :D

No har Kathrine også fått laga seg verkstad i eit lite uthus der ho bur på Kathult i Hunvikja. Den har fått namnet Snikkarboden - eit lite stykke BergArt, og der ho storkosar seg med katten Alfred II som selskap på arbeidsbenken.

Det Kathrine likar aller best å jobbe med er unikasmykker, men det har det blitt lite tid til dei siste åra. No håpar vi på at det kan bli meir av det framover og at det vil vise igjen her på nettbutikken også. I denne omgong satsar vi på bestselgarane våre og vil ha desse på lager til eikvar tid så langt det let seg gjere. Nye ting til kome til under vegs, når vi har begynt å få dreisen på dette her...

Ein del ting må lagast på bestilling og vil ta litt lenger tid, men det er jo det som er så kjekt med handlaga smykke! At ein kan få sin personlege vri på dei og være med på å velje korleis resultatet skal bli. For oss er det vesentleg at smykka har ei meining utover å være eit smykke. Spesielt med tanke på gåver er det ekstra kjekt å kunne legge litt sjel og tankar i det ein skal gje vekk. Det set også mottakaren stor pris på! Her kan du rett og slett få akkurat det du vil!

Vi håpar du finn noko du likar og at du koser deg med sida vår. Er det noko du lurer på, er det berre å ta kontakt her, så skal vi hjelpe deg så godt vi kan! :o) Vi er her for deg!

Alle bileta i nettbutikken vår er tekne av Maria Hjelle.

 

Våre opningstider er: Måndag 10:00 - 16:30, Tysdag 10:00 - 16:30, Onsdag 10:00 - 16:30, Torsdag 10:00 - 18:00, Fredag 10:00 - 16:30, Laurdag 10:00 - 15:00.

 

 

&

Frå Kathrine og Ingrid Oselie