Vi kjøper gull og sølv

Mange fortel at dei har sett/høyrt mykje om dette i media, men at dei er usikre på korleis dei skal gå fram. Mange kvir på å sende så verdifulle ting i posten, og veit ikkje heilt kva som er realistisk å få for det. 

Kjem du innom oss, kan du vere trygg på at varene blir behandla på ein god måte, og at vi prøvar å rådføre deg på ein informativ og ærleg måte. Dersom du vurderer å levere ifrå deg noko som du eigentleg er veldig glad i, så kan det fort hende at vi rådar deg til å gi det vidare til andre du er glad i, reparere det, eller rett og slett bruke det! Vi forsøker aldri å presse nokon til å selje. Dette er 100% ditt eige val, og vi hjelper deg med å finne ut kva som er det mest riktig for deg. 

For at ei bedrift skal ha lov til å handle med brukte og kasserte varer i edelt metall, må ein ha eit løyve frå politiet. Vi har ei slik godkjent brukthandelbevilling, noko som betyr at det er heilt lovleg å selje til oss! 

Prisar

Prisane på edle metall varierer mykje. Derfor må vi sjekke prisane dag for dag. Dersom du vil høyre kva prisar vi tilbyr er det berre å plinge på, så får du vite prisane vi kan tilby den gjeldande dagen. Sjølv om prisane kan variere litt frå dag til dag, så er dei generelt veldig høge! Faktisk så har dei aldri vore så høge før. 

Ofte så har kundane vi snakkar med vore inne på nett og sjekka gullprisane på førehand. Det kan vere lurt det, men då er det viktig å sjå på riktig karat/finheit. Ofte er prisen på 24 k (altså reint gull) det første som kjem opp. Mesteparten av gullet i Norge er 14 k gull, dette betyr 585/1000 delar gull. Du får ganske mykje mindre kr per gram for 14 k, fordi andelen som faktisk er gull er mykje lågare.

Slik fungerer det og selje til oss

Første steg er at du tek med varene inn i butikken og leverer det inn til oss for å få det vurdert. Det er viktig at du har med deg gyldig legitimasjon den dagen du vil lever inn. Aldersgrensa er 18 år.

Er du usikker på om smykkene dine er ekte? Det treng du ikkje å tenkje på! Vi sjekkar alt som blir levert inn for deg. Dersom vi er i tvil, så testar vi det. 

Når vi veit kva det er, så finn vi den nøyaktige vekta. Vekta på eventuelle steinar og liknande trekk vi ifrå. Når vi har rekna ut kva du får for varene, vil vi sende deg eit tilbod på SMS. Dette skjer vanlegvis innan ei veke, dersom ikkje noko anna er avtalt. 

Kva no?

Etter at du har fått eit tilbod, så har du fleire alternativ:

1. Selje gullet/sølvet til oss og få pengar inn på konto.
2. Handle i butikken, eventuelt få ein tilgodelapp (her får du litt meir per gram).
3. Handle gull i butikken som har byttegullprisar. Dette alternativet gir deg kanskje mest verdi for gullet, men då må du kanskje betale litt i tillegg. 
4. Komme og hente varene og få dei med heim igjen

Byttegullavtalar

Kort forklart så betyr byttegullavtalar at du "betalar" for gullet som har gått med til å lage vara, med eige gull som du leverar inn. Med andre ord: du byttar. Då betalar du berre arbeidsprisen. Det er ikkje nøyaktig det samme gullet som blir brukt. På slike varer er det alltid ei bestemt vekt du treng. Dersom du har meir enn dette, kan du levere inn dette til oss og få ein tilgodelapp som du kan bruke på å betale arbeidsprisen. 

Byttegullavtalar er ein fin måte å opne fleire dører på. Ofte kan du plutseleg få moglegheiten til å kjøpe ei vare som du kanskje ikkje hadde kjøpt ellers. Eit anna poeng er at det ofte er veldig gunstig for deg. Dette ser ein spesielt godt dersom du samanliknar med å kjøpe gull utan byttegullprisar. Typiske varer som har byttegullprisar er gifteringar, kjeder og andre gullsmykker, gjerne utan steinar. 

Alle vi tre som jobbar på BergArt kan dette veldig godt, så her får du god hjelp uansett kven som er på jobb! Er det noko du lurer på, er det berre å ta kontakt her, så skal vi hjelpe deg så godt vi kan! :o) Vi er her for deg!

Våre opningstider er: Måndag 10:00 - 16:30, Tysdag 10:00 - 16:30, Onsdag 10:00 - 16:30, Torsdag 10:00 - 16:30, Fredag 10:00 - 16:30, Laurdag 10:00 - 15:00.

Klem frå Ingrid Oselie, Tuva og Kathrine